Blinding Lights ka kaluar 88 javë renditur në tabelën e Billboard Hot 100, duke mposhtur rekordin e mbajtur që nga viti 2014 nga Imagine Dragons.
Rekordi më parë mbahej nga grupi rock Imagine Dragons, kënga e të cilit Radioactive kaloi 87 javë në renditjen midis viteve 2012 dhe 2014.
Marrë nga albumi After Hours, Blinding Lights u ngjit në tabelë në fillim të vitit 2020 dhe kaloi katër javë në vendin e parë në prill të atij viti.
88 javë radhazi të Blinding Lights në tabelëne klasifikimit të Mbretërisë së Bashkuar, tetë nga ato në numrin 1 do të thotë se po i afrohet rekordit të Lewis Capaldi prej 100 javësh radhazi në Top 100 për baladën e tij Someone You Loved. Kënga e The Weeknd ka ende shumë rrugë për të bërë për të mposhtur rekordin e Killers prej 280 javësh jo të njëpasnjëshme në Top 100, megjithatë kënga e tyre Mr Brightside, e lëshuar në 2004, aktualisht është në vendin e 79-të.
The Weeknd ka falënderuar fansat e tij në Instagram. “Ditë e madhe për dritat verbuese,” shkroi ai. “Përjetësisht mirënjohës që jam në gjendje të eksperimentoj me tingujt, të provoj gjëra të reja me zërin tim dhe të krijoj muzikë me njerëzit që me të vërtetë i dua dhe i respektoj. Për dekadën e fundit çdo këngë ka qenë një rrugëtim dhe të mund të vazhdosh këtë rrugëtim nuk ka qenë asgjë më pak se një bekim.”
Kënga e tij e re, Take My Breath, u publikua në fillim të këtij muaji, ndërsa dy këngë të tjera – Save Your Tears me Ariana Grande dhe You Right with Doja Cat – janë aktualisht në Top 20 të SHBA. Një album i ri pritet për më vonë këtë vit.
