Rihanna ka ndezur skenën gjatëme performancës së saj në “Super Bowl 2023 Halftime Show.” Kjo ishte performance e parë e yllit pas një shkëputje relativisht të gjatë nga muzika.Gjatë hapjes së performancës së saj Riri konfirmoi gjithashtu se është në pritje të fëmijës së saj të dytë.
Këngëtarja shkëlqeu në këtë dalje të saj, dhe këtë nuk e themi vetëm ne apo publiku, por edhe ish i dashuri i saj, Chris Brown. Ky i fundit ka bërë një postim në Instagram pas performancës së Rihanna-s. “Vazhdo, vajzë,”-ka shkruar Chris në Instastory.Kujtojmë që historia e dashurisë e Chris Brown dhe Rihanna-s ka qenë një ndër më të koklaviturat në botën e showbiz-it. Ish-çifti u lidhën për herë të parë në vitin 2007, për tu ndarë dy vite më vonë, kur u zbulua se Brown e kishte sulmuar fizikisht Rihanna-n përpara “Grammy Awards 2009”. Për këtë veprim të tij ai madje u deklarua fajtor për sulm të rëndë dhe u dënua me pesë vjet liri me kusht. Dyshja u bashkuan sërish në vitin 2012, ku vazhduan të dilnin për rreth një vit, përpara se kësaj here t’i jepnin fund përfundimisht romancës së tyre.
Nga ana tjetër aktualisht Rihanna është në një marrëdhënie me ASAP Rocky-n me të cilin ka edhe një djalë, emrin e të cilit nuk e ka zbuluar akoma.
Një detaj tjetër shumë i rëndësishëm që u diskutua është fakti që Rihanna shkëlqeu si një diamant në Super Bowl 2023, falas. Pavarësisht se dha një performancë kaq të jashtëzakonshme, Rihanna nuk do të paguhet për këtë. “Ne nuk i paguajmë artistët,” tha zëdhënësja e NFL Joanna Hunter për Forbes në vitin 2016. “Ne mbulojmë shpenzimet dhe kostot e prodhimit.”
Në pjesën e parë ajo shfaqi hitet më të mëdha të saj, si “Diamonds”, “Umbrella” dhe “Pour It Up”. Në krye të audiencës magjepsëse me vokalin e saj, Rihanna bëri bujë duke zbuluar se është shtatzënë me fëmijën e dytë të saj dhe A$AP Rocky gjatë performancës. A$AP deklaroi para shfaqjes se ai ishte më i apasionuari nga të gjithë fansat e saj.
