Dre nuk ka publikuar ndonjë muzikë të re që nga albumi i vitit 2015 ‘Compton’Dr. Sipas Snoop Dogg, Dre është duke punuar për këngët e pjesës tjetër të serisë Grand Theft Auto.
Snoop zbulon për mediat se Dre është aktualisht në studio duke punuar për një episod të ardhshëm të podcastit të muzikës Rolling Stone që do të vijë më 29 tetor.
“Ai po bën muzikë të mrekullueshme. Dhe një pjesë e muzikës së tij është e lidhur me lojën GTA që po del. Kështu që unë mendoj se kjo do të jetë mënyra se si do të publikohet muzika e tij, përmes videolojës GTA, ” tha Snoop për podcast.
As zhvilluesit e Grand Theft Auto, Rockstar Games, as përfaqësuesit e Dr. Dre, nuk dhanë komente shtesë në lidhje me pretendimet e Snoop.
Muzika e Dre është shfaqur më parë në stacionet radio të shumë lojërave GTA. “Fuck Wit Dre Drey” dhe “Deep Cover” shfaqen në Grand Theft Auto: San Andreas, ndërsa “Still D.R.E.” dhe “The Next Episode” shfaqen në Grand Theft Auto V. Në të katërt këngët merr pjesë gjithashtu edhe Snoop Dogg.
Kanë kaluar gjashtë vjet që kur Dre publikoi muzikën e re për herë të fundit, pasi kishte publikuar albumin e tij më të fundit në studio, ‘Compton’, në vitin 2015. Por ka pasur zëra të vazhdueshëm se një album i ri nga reperi mund të jetë në rrugë së shpejti. Në fillim të këtij muaji, një postim i shpërndarë nga DJ BattleCat dukej se tregonte se albumet e reja nga Snoop dhe Dre do të dilnin deri në fund të vitit.
Gjithashtu gjatë muajit gusht, Dj Grandmaster Flash pohoi se projekti i ardhshëm muzikor i Dr. Dre do të jetë një projekt që “do të ndryshojë lojën”. Një javë më vonë, producenti i famshëm Diamond D postoi një foto të tij dhe Dre pranë një tavoline miksimi, duke thënë se Dre kishte luajtur dy orë muzikë të papublikuar për të dhe Xzibit. Në të njëjtin muaj, reperi Flavor Flav pretendoi se ai do të shfaqet në albumin e ardhshëm.
Dre dhe Snoop do të shfaqen si pjesë e shfaqjes së pjesës së parë të Super Bowl LVI në shkurt të vitit të ardhshëm, së bashku me Eminem, Kendrick Lamar dhe Mary J. Blige.
