Televizioni ka qenë dhe vazhdon të mbetet një nga format kryesore edukative dhe informuese për të gjithë njerëzit që nga vogëlia. Të gjithë ne,jemi rritur duke parë emisionet e famshme televizive nëpër botë, me skena gjigande plot shkëqim dhe performanca nga më të ndryshmet. Jemi rritur duke ndjekur filma me aktorë të famshëm nga Hollywood-i dhe e gjithë bota, duke krijuar kështu edhe ata idhujt tanë të cilët i ndiqnim me shumë deshirë. Ndonëse në vogëli skenat gjigande të emisioneve apo shtëpitë e famshme ku luheshin filma, na dukeshin si vende magjike, ‘ të paprekshme’ nga afër, në ditët e sotme shumë prej këtyre shtëpive janë kthyer në vende lehtësisht të vizitueshme ,gjithmonë kundrejt një pagese të caktuar ,ku ju mund edhe të akomodoheni për një natë.
Nëse keni qenë shikues të apasionuar të filmit Harry Potter, shtëpia De Vere, mund të rezervohet tashmë për vetëm 256 dollarë nata. Shtëpia ikonike ndodhet në Lavenham, Angli, e cila konsiderohet si një nga “fshatrat më të mire të mesjetës”. Lavenham thuhet se ka mbi 300 vende të mbrojtura ligjërisht.
Shtëpinë e shfaqur në serialin Breaking Bad mund ta gjeni në Airbnb dhe është e disponueshme për tu dhënë me qera. Ju mund ta njihni këtë shtëpi nga një episod epik i Breaking Bad, për të qenë më të saktë është pikërisht seria e tretë nga sezoni I pestë. Shtëpia prej 3.600 metrakatroresh ndodhet ne Albuquerque, New Mexico dhe një natë qëndrimi në të kushton rreth 169 dollarë. Nëse jeni adhurues të kostumeve të famshme të cilat u përdorën në xhirimet e serialit, pronarët e shtëpisë mund t’jua japin hua gjatë periudhës së qëndrimit. Në këtë mënyrë do ndiheni edhe më të përfshirë në serialin e luajtur 13 vite më parë.
Nëse gjithmonë u kanë pëlqyer filmat e zhanerit romancë, tashmë keni mundësinë të vizitoni një nga shtëpitë më të famshme, atë të filmit “Twilight”. Edhe kjo shtëpi është e disponueshme në Airbnb për vetëm 379 dollarë nata. Shtëpia ndodhet në Shën Helens, Oregon.
Kthimi i shumë prej shtëpive të famshme ku filmat apo serialet më të ndjekur ndër vite janë xhiruar, në një vend të vizutueshëm për këdo është kthyer në një ‘trend’ së fundmi në të gjithë botën. Le ta konsiderojmë këtë si diçka pozitive pasi tashmë, çdo adhurues i këtyre filmave apo serialeve ka mundësinë të prekë nga afër magjinë e të qënurit brenda asaj historie, të cilën ata e duan aq shumë.
