SELENA + CHEF është rikthyer, këtë herë me Selenën, miqtë dhe familjen e saj duke shkuar në plazh. Sezoni i katërt do të zhvillohet në një shtëpi plazhi ku Selena do të vazhdojë të mësojë sesi të gatuajë me kuzhinierë nga më të mirët.
Selena + Chef u transmetua për herë të parë në vitin 2020 në mes të pandemisë duke shfaqur Gomez në shtëpinë e saj duke mësuar se si të gatuajë pjata të ndryshme me ndihmën e kuzhinierëve profesionistë. Më parë shfaqja ka patur të ftuar njerëz si Roy Choi, Padma Lakshmi, Fabio Viviani, Tanya Holland dhe Graham Elliot mes shumë kuzhinierëve të tjerë të talentuar që sillnin pjatat e tyre në tryezë që Gomez të provonte dorën e saj.
Me çdo kuzhinier të ri profesionist vjen një bamirësi e ndryshme që theksohet në çdo episod, duke shtuar natyrën e ndjeshme të një shfaqjeje që trajton vështirësitë e të mësuarit për të gatuar në karantinë. 26 organizata të ndryshme jofitimprurëse janë paraqitur në shfaqje deri më tani me 400,000 dollarë të mbledhura në të gjitha bamirësitë. Sezoni 4 do të jetë i njëjtë, vetëm Selena dhe njerëzit e saj të dashur do ta kalojnë sezonin në një shtëpi plazhi.
Gomez ishte e lumtur të vazhdonte procesin e saj të të mësuarit përmes shfaqjes, duke thënë në një deklaratë se:
“Mezi pres një sezon tjetër për të qenë në kuzhinë me disa nga kuzhinierët më të mirë në botë. Shpresojmë që aftësitë e mia të jenë përmirësuar. Më e rëndësishmja, ne kemi qenë në gjendje të mbledhim para për organizata të jashtëzakonshme bamirësie.”
