Reperi Sean”Diddy” Combs është fituesi i këtij viti i çmimit prestigjioz për ‘Lifetime Achievement Award’.

Prezantimi i këtij çmimi u bë nga fituesi i çmimit Grammy, Kanye West dhe Babyface në BET Awards 2022 të organizuar nga aktorja, Taraji P. Henson drejtpërdrejt nga Teatri Microsoft në Los Angeles.

Ndërsa pranoi cmimin, Diddy  nuk harroi të përkujtonte ish partneren e tij Kimberly Porter e cila ndërroi jetë pas një beteje të gjatë me pneumoni në vitin 2018.

Çmimi për Arritje Jetësore të BET nderon ata “të cilët jo vetëm që kanë formësuar ndjeshëm kulturën përmes karrierës së tyre të gjerë, por që kanë qenë gjithashtu liderë transformues që frymëzojnë vazhdimisht brezat duke vendosur një standard të vërtetë përsosmërie. 

Në vitet 1990, Diddy themeloi kompaninë e tij diskografike Bad Boy, e cila që atëherë është shndërruar në një fuqi hip-hop, duke shitur më shumë se 100 milionë disqe në mbarë botën.