Rihanna ka nënshkruar një marrëveshje shumë milionëshe me Apple TV+ për të prodhuar një dokumentar që tregon rikthimin e saj në skenë. Sipas mediave thuhet se ajo nënshkroi një pakt me kompaninë pas rishfaqjes së saj në top lista muajin e kaluar me këngën e saj “Lift Me Up “from the Black Panther; Wakanda Forever. 

“Ka një kuriozitet të madh për gjithçka që ka të bëjë me Rihanna-n. Veçanërisht pasi ky do të jetë rikthimi i saj kryesor në skenë për herë të parë në vite”, tha një burim i industrisë muzikore për publikimin. “Rihanna është një forcë masive për t’u llogaritur kur bëhet fjalë për muzikën dhe kështu Apple ka paguar miliona.”

Burimi për mediat u shpreh duke thënë se dokumentari do të regjistrohet gjatë provave dhe takimeve në prag të Super Bowl. Ky dokumentar do të pasqyrojë se si është jeta e saj në të vërtetë tani që po rikthehet jo vetëm si një këngëtare e suksesshme por edhe si një nënë e re. 

Këngëtarja foli për performancën  e saj të rikthimit  para shfaqjes së saj Savage X Fenty Show Vol. 4, duke theksuar se: “Nëse do të lë fëmijën tim, do ta lë fëmijën tim për diçka të veçantë”, tha ajo. “Ishte tani ose kurrë për mua.”