Rosalía-s i është bashkuar The Weeknd në videoklipin e saj të ri për këngën në gjuhën spanjolle “La Fama”. Rosalía performon në skenë në një festë luksoze ku fillon të kërcejë pranë The Weeknd i cili është ulur në një tavolinë në klipin e publikuar këtë të enjte. The Weeknd këndon në spanjisht dhe më vonë i bashkohet Rosalías në skenën e klipit ku ai përpiqet ta puthë atë, ndërsa këngëtarja i përgjigjet duke e goditur atë.

Aktori Danny Trejo gjithashtu paraqitet në skenën e klipit.

“La Fama” do të shfaqet në albumin e ardhshëm të Rosalía-s me titull Motomami, i cili do të lancohet në vitin 2022. Kënga është e disponueshme për t’u transmetuar përmes Spotify, Apple Music, Amazon Music, YouTube, Tidal, Deezer dhe Soundcloud.

Të dy ata kanë bashkëpunuar për herë të fundit në një remix të këngës hit të The Weeknd “Blinding Lights”. The Weeknd më parë ka performuar në spanjisht edhe në remiksin e Maluma të hiti “Hawái”.