Ka nisur zyrtarisht festivali i filmit në Kanë, i cili do të zgjasë deri në datën 28 maj. Këtë vit Eva Longoria, Lashana Lynch dhe Julianne Moore janë vënë në prezantim në tapetin e kuq ku kanë përcjellë yjet në ceremoninë e hapjes se edicionit të 75-të të këtij festivali. Festivali u anullua në 2020-tën për shkak të masave të rrepta kundër pandemisë së Covid 19, por tapeti i kuq  i këtij edicioni shkëlqeu sërish. Në garë janë filma nga të pesë kontinentet, autorë e regjisorë të huaj. 

Ndër premierat e dhëna janë “Top Gun: Maverick” (me protagonist Tom Cruise) dhe Elvis (me Austin Butler), si dhe 21 filma të tjerë rë cilët konkurojnë për çmimin prestigjioz të Festivalit, “Palmën e Artë”.

Gjithashtu në një deklaratë të lëshuar nga organizatorët së fundmi u tha se Festivali i Kanës dëshiron të japë të gjithë mbështetjen e tij për popullin e Ukrainës, duke mbajtur qëndrim për luftën në Ukrainë dhe duke  ndaluar delegacionet ruse në edicionin e tij të 75-të.

Festivali i filmit në Kanë zgjat 11 ditë, e do të përfundojë me mbrëmjen gala të ndarjes së çmimeve, më 28 maj.