Arkitekti Stefano u ka shpjeguar të gjithë njerëzve historinë se si filloi ideja e projektit të tij, ndërtimi i një “pylli vertikal”, duke thënë se: “Kur isha fëmijë, citoja një roman të shkruar nga një shkrimtar italian, Italo Calvino, i quajtur “Baroni në pemë”. Ishte historia e një duke të ri, i cili vendosi kur ishte 12 vjeç të braktiste familjen e tij dhe të kalonte pjesën tjetër të jetës së tij duke jetuar në degën e një pylli.”
Duke lexuar këtë roman dhe duke u magjepsur edhe më shumë pas historisë së tij, arkitekti nisi të ndërtonte projektin e “Bosco Verticale”, në qytetin e Milanos.
Bosco Verticale, janë ndërtesa të larta banimi të ndërtuara në qendër të Porta Nuova, Milano. Në këto ndërtesa gjenden mbi 21.000 pemë dhe bimë shumëvjeçare të mbjellura rreth e qark, e deri në katet e fundit të banimit.
Në këto ndërtesa të larta jetojnë rreth 300 banorë.
Bimësia në këto ndërtesa konverton mesatarisht 44,000 tonë karbon çdo vit, dhe ul ndotjen akustike të trafikut në rrugë. Dy ndërtesat e larta përdorin energji të rinovueshme nga panelet diellore dhe ujë nga ujërat e ndotura të filtruara për të ruajtur jetëgjatësinë e bimëve të ndërtesave.
