Në një episod të ri të podcast-it Million Dollaz Worth of Game, Pusha T zbuloi se Jay-Z do të jetë në albumin e tij të ardhshëm. Pasi foli për historinë e tij me reperin e njohur, ai përmendi se kishte tre këngë me të, duke përfshirë kohën që ata kanë punuar së bashku në “So Appalled” të Kanye West, bashkëpunimin e tyre të vitit 2016 “Drug Dealers Anonymous”, dhe më pas tha se bashkëpunimi tjetër është “diçka nga albumi im i ri.”
Pothuajse një vit më parë, ai zbuloi se albumi ishte pothuajse i përfunduar. “Unë jam duke punuar për albumin tani,” tha ai. “Nuk e kam titulluar. Ndoshta do të jenë 12 këngë. Zakonisht nuk bëj shumë gjëra shtesë. Ndjehem sikur kam disa shtesa tani, por do të mbaj 12. Ai gjithashtu premtoi se do të ishte “albumi më i mirë që do të publikohej në 2021” dhe tha se ai ishte në pritje për të përfunduar bashkëpunimin me Kanye West, i cili përfundoi të ishte bashkëpunimi i parë i lancuar, “Diet Coke”, që doli pak kohë më parë.
