Prej një viti po përflitej në media e tashmë më në fund është publikuar traileri i parë për serialin misterioz nga këngëtari The Weeknd. Përvec sukesit të padiskutueshëm në muzikë prej vitesh, tashmë The Weeknd do ta shohim dhe në rolin e producentit dhe aktorit krah Lily-Rose Depp, vajzës së Johhny Depp. “The Idol” është emri i serialit i krijuar nga këngëtari në bashkëpunim me regjisorin e “Euphoria”, Sam Levinson. “The Idol” duket po aq intensiv sa ‘Euphoria” pasi para se të fillojë traileri, në ekran lexohet: “Nga mendjet e sëmura të Abel dhe Sam Levinson”. Ngjarjet në serial janë vendosur në sfondin e industrisë së muzikës. Komploti ndjek një udhëheqës kulti, i cili zhvillon një marrëdhënie të ndërlikuar me një idhull të ri të muzikës pop. Personazhi i Lily-Rose Depp bie në dashuri me një pronar enigmatik klubi të luajtur nga The Weeknd, dhe do e gjejë veten të rrethuar nga droga, dhuna dhe festa të pafundme.