Bharti Shahani ishte një studente 22-vjeçe e cila studionte në kolegj, që mori pjesë në ngjarjen e Houston me motrën dhe kushërirën e saj. Bharti Shahani ishte një nga shumë personat e shtruar në spital pasi ndoqi Astroworld të premten, më 5 nëntor. Për të thuhet se truri I saj nuk tregoi më shenja funksionimi kur u shtrua në Spitalin Metodist të Houston.
Bharti Shahani është personi i nëntë që vdes si pasojë e lëndimeve të marra në Astroworld Festival. Moshat e të ndjerëve variojnë nga 14 deri në 27 vjeç dhe aktualisht mjekësia po heton shkaqet e vdekjeve.
Travis Scott ka lëshuar dy deklarata pas tragjedisë, duke premtuar rimbursime për të pranishmit në koncert. Drake, i cili performoi me Scott ndërsa turma u rrit, gjithashtu lëshoi një deklaratë në lidhje me Astroworld, duke shkruar: “Zemra ime është thyer për familjet dhe miqtë e atyre që humbën jetën dhe për këdo që po vuan.”
Travis Scott ka thënë se do të mbulojë shpenzimet e funeraleve për familjet e nëntë personave që vdiqën në Festivalin Astroworld 2021. Scott gjithashtu po bashkëpunon me “BetterHelp” për të ofruar një muaj terapi falas për njerëzit e prekur nga ngjarjet e festivalit, të cilin zyrtarët e shpallën një “incident me viktima masive”.
Qindra njerëz u plagosën në Astroworld Festival në Hjuston të premten (5 nëntor) dhe disa u dërguan në spitale. Pati gjithashtu raporte për pjesëmarrësit e festivalit që pësuan arrest kardiak.
Travis Scott tashmë po përballet me të paktën 14 padi në lidhje me Astroworld.
