Megan Thee Stallion duket se i ka synimet e qarta në lidhje me bashkëpunimet që dëshiron të ketë në industrinë muzikore. Në një intervistë për revistën People, reperja foli për bashkëpunimet që do t’i kishte ëndërr, pas fitores së dy çmimeve Grammy në bashkëpunimin me Beyonce. “PAs bashkëpunimit me Beyonce-n, ndihem sikur e kam arritur qëllimin tim përfundimtar”,  është shprehur ajo gjatë intervistës ku gjithashtu ka shtuar : “Epo, unë gjithashtu do të më pëlqente shumë të bashkëpunoja me Rihanna-n. Sikur ky të ishte bashkëpunimi im i ardhshëm i ëndrrave.” 

Krijuesja e hitit Hot Girl Summer u pyet gjithashtu për një video që u bë virale në TikTok kohët e fundit, e cila remiksonte këngën e saj Body me hitin e Adelës të vitit 2015, Water Under the Bridge. E pyetur mbi videot të cilat janë bërë virale tashmë, Megan foli per entuziasmin e saj në lidhje me krijimin e një bashkëpunimi me Adele gjithashtu.