Pas suksesit që pati në filmin “A star is born”, Lady Gaga ka folur më tepër rreth aktrimit dhe aktoreve me të cilët do të dëshironte të bashkëpunonte.
Duke biseduar me Entertainment Tonight kohët e fundit në Palm Springs International Film Awards ku ajo u nderua me Icon Award Lady Gaga foli për rolin e saj si Patrizia Reggiani në dramën biografike të krimit dhe talentin legjendar me të cilin mundi të bashkëpunonte.
Lady Gaga ka punuar tashmë me disa nga aktorët e saj të preferuar në filmin e saj të fundit, House of Gucci, por ajo sapo ka filluar. Gaga, e cila mori çmimin Icon në prezantim, vazhdoi të vinte në dukje se ishte me fat që punonte përkrah shumë aktorëve të saj të preferuar.
“Ka kaq shumë aktorë me të cilët doja të punoja. … Al Pacino ishte padyshim njëri prej tyre. Jam shumë krenare që e quaj mikun tim,” tha ajo, duke shtuar për pjesën tjetër të aktorëve të saj në Gucci, ” Doja të punoja me Jared (Leto); Adam (Driver); Jeremy Irons; Salma (Hayek)” etj.
Po për të ardhmen? “Më duhet të them, një nga kolegët e mi fitues të çmimit Icon, Tom Hanks, do të doja të punoja me Tom Hanks”, u shpreh Lady Gaga duke thënë gjithashtu se mendon se ai është një nga aktorët më të mirë të të gjitha kohërave.”
