Çifti i njohur i showbizit, Kylie Jenner dhe Travis Scott, kanë mirëpritur në jetë fëmijën e tyre të dytë. Që prej muajit shtator ata njoftuan përmes rrjeteve socuiale se ishin në pritje të fëmijës së tyre të dytë. Kylie Jenner publikoi një fotografi bardhë e zi në llogarinë e saj në Instagram të dielën në mbrëmje, ku ndau lajmin e gëzueshëm me ndjekësit e saj në rrjetet sociale, ku shihej vajza e tyre Stormi duke ia mbajtur dorën foshnjës së vogël, të shoqëruar me datën e lindjes që është 02.02.2022.

Besohet se fëmija i dytë i çiftit është djalë, megjithëse ende nuk është konfirmuar gjinia apo emri me të cilin e kanë pagëzuar.

Të shumta ishin edhe urimet që erdhën për çiftin pas lindjes së fëmijës së dytë, përfshirë këtu edhe anëtarët e familjes Kardashian-Jenner.