Facebook po planifikon të riemerojë kompaninë me një emër të ri gjatë javës së ardhshme. Drejtori ekzekutiv i kësaj kompanie, Mark Zuckerberg, po planifikon të flasë mbi ndryshimin e emrit në konferencën vjetore të kompanisë në datë 28 tetor, ndonëse përflitet se mund të zbulohet edhe më shpejt.

Gjatë fillimit të kësaj jave kompania njoftoi se do të punësojë 10.000 njerëz në Evrope për të punuar për projektin e ri “Metaverse”. Metaverse i referohet përpjekieve për të kombinuar teknologjinë virtuale dhe atë të realitetit. Synimi i këtij projekti të ri është krijimi i një hapësirë të ngjashme me internetin, ku përdoruesit mund të ecin përreth dhe të ndërveprojnë me njëri – tjetrin në kohë reale.

Mbi këtë riemërim të kompanisë më të madhe të mediave sociale Facebook, flitet se një nga arsyet që po ndodh është për vete faktin se kompania po përpiqet për të rregulluar reputacionin, pas gjithë kritikave dhe ka injoruar raportet mbi rrezikun e rrjeteve sociale për adoloshentët.

Gjithashtu përveç rrjetit kryesor të mediave sociale, Facebook zotëron Instagram dhe WhatsApp. Ndryshimi i emrit mund t’i pozicionojë tre platformat nën një markë, e ngjashme ashtu sikurse ka proceduar Google.