Këngëtarja shqiptare me famë botërore, Bebe Rexha, është rikthyer në majë të top-listave muzikore. Bashkëpunimi i saj me DJ David Guetta, “I’m good (Blue)”, prej disa javësh qëndron e renditur lart në top listat e Spotify, Apple Music, Shazam dhe iTunes.
Në këtë të fundit, ajo ka arritur që të renditet e para si kënga më e dëgjuar e momentit në mbarë botën. I’m good (Blue)”, lë para në vend të dytë “As it was” nga Harry Styles” dhe “Keep me Closer” nga Britney Spears dhe Elton John.
Kënga e artistes me origjinë shqiptare përndryshe do të publikohet këto ditë edhe me klip, të cilin dyshja e xhiruan pak ditë më parë në Ibiza. “I’m good (Blue)”, ka qëndruar për disa javë rresht e para edhe në ‘Official Charts’, e cila është top-lista zyrtare e këngëve më të dëgjuara të momentit në Mbretërinë e Bashkuar.
