Kanë kaluar pesë vjet që prej publikimit të albumit të tij më të fundit dhe tashmë, Kendrick Lamar mësohet se do të vijë shumë shpejt me një tjetër album. Njoftimin e bëri vetë ai përmes një postimi në instagramin e tij ku njoftoi se data e publikimit do të jetë më 13 maj.

Albumi “Mr. Morale & The Big Steppers” është vazhdim i “Damn” të Lamar-it, fitues i Pulitzer-it të vitit 2017. Që prej asaj kohe ai ka drejtuar dhe punuar për kolonën zanore të Black Panther, kryesoi turneun e Coachella dhe Top Dawg Entertainment, fitoi një sërë çmimesh Grammy dhe u nominua për një Oscar.

Në mars 2020, Lamar dhe bashkëpunëtori i tij për një kohë të gjatë Dave Free lançuan pgLang, një ndërmarrje që ata e përshkruan si “një kompani e re shumëgjuhëshe, në shërbim”. Ndërsa këtë vit, ai ishte një ndër performuesit në Super Bowl.