Kelly Clarkson është një tjetër artiste e cila u nderua së fundmi me një yll në Hollywood Walk of Fame . Ajo u nderua ditën e djeshme në një ceremoni  në Los Anxhelos. Ana Martinez, producentja e Hollywood Walk of Fame, tha në një deklaratë për shtyp, “Kelly Clarkson ka merituar prej kohësh një vend në Hollywood Walk of Fame”.“Ajo ka qenë një person ikonë në kulturën pop amerikane që kur hyri në skenën e parë të audicionit në American Idol. Ajo ka vazhduar të impresionojë fansat me aftësitë e saj muzikore dhe talk show”, tha Martinez.

Karriera e famshme e Clarkson përfshin një çmim Emmy Daytime 2022 , tre çmime Grammy, katër American Music Awards, tre MTV Video Music Awards, dy Academy of Country Music Awards dhe dy American Country Awards. Ajo është gjithashtu artistja e parë që kryeson secilën prej top listave të Billboard-it pop, bashkëkohorë për të rritur, country dhe dance. Kelly është e njohur për këngët e saj hit “Since U Been Gone”, “Breakaway” dhe “Stronger”.
“Ky është vendi ku unë fitova 20 vjet më parë,” tha Clarkson. “Ka ëndrra që nuk e dinit se i kishit dhe ato përfundojnë duke ndodhur dhe ju ndiheni super të bekuar.”

Artistja falënderoi ekipin , miqtë dhe kolegët e saj për mbështetjen. Të tjerë të ftuar në ceremoni ishin Jason Halbert, drejtor muzikor i Clarkson që nga viti 2003, Simon Cowell, Paula Abdul dhe Randy Jackson, juria nga “American Idol” kur Clarkson konkurroi.

Ceremonia përfundoi me këngëtaren duke bërë foto me yllin e saj në rrugën më të famshme në botë.