Këngëtari i njohur Justin Bieber është detyruar të anulojë shfaqjet e ardhshme për shkak të gjendjes së tij shëndetësore . Në deklaratën e tij ai nuk ka dhënë asnjë detaj se nga çfarë sëmundje vuan por thjesht ka lajmëruar fansat e tij se me shumë keqardhje do duhet të shtyjë të gjithë datat e koncerteve.
Krijuesi i hitit “Love Yourself” do të performonte në Toronto, Kanada në Scotiabank Arena më 7 dhe 8 qershor, por ai i ka shtyrë datat së bashku me një shfaqje të planifikuar në Uashington, DC më 10 qershor si pjesë e turneut të tij botëror “Justice”.
Në deklaratën e tij ai shkroi në Instagram Story duke shtuar se:
“Nuk mund ta besoj që po e them këtë. Kam bërë gjithçka për t’u përmirësuar, por sëmundja ime po përkeqësohet. Më thyhet zemra që do të më duhet t’i shtyj këto shfaqje të ardhshme.
Për të gjithë njerëzit e mi, ju dua shumë dhe do të pushoj dhe do të përmirësohem! “
