Jessica Ellen Cornish e njohur si këngëtarja e famshme Jessie J është një yll i famshëm dhe i dashur i muzikës pop. Megjithatë, shumë pak e dinë se jeta nuk ka qenë gjithmonë e qetë për të. Ajo e nisi rrugëtimin e saj nga një skenë teatri dhe përfundoi në skenën e madhe, duke fituar miliona. Fillimisht ajo kaloi disa komplikacione mjekësore, të cilat mund t’i kishin sabotuar karrierën e saj si këngëtare. Megjithatë, këmbëngulja ishte çelësi që e ndihmoi atë të rindërtonte veten sa herë që kalonte një pengesë. Sot, Jessie J është një legjendë e gjallë në industrinë e muzikës.
Por vështirësitë duket se nuk kanë mbaruar në jetën e këngëtares. Ditën e djeshme, më 24 nëntor, këngëtarja e hitit “Price Tag” ka shpërndarë një postim në Instagram ku është shprehur për eksperiencën e humbjes së fëmijës së saj.
Ajo shkroi: “Dje në mëngjes isha duke qeshur me një shoqe duke thënë seriozisht se si do ta kaloja koncertin tim në LA nesër mbrëma, pa i thënë të gjithë publikut se isha shtatzënë. Deri dje pasdite kisha frikë nga mendimi për të kaluar të gjithë koncertin pa ndërprerje”.
Më pas këngëtarja tregon se si e kuptoi se kishte dështuar: “Pasi shkova në kontrollin tim të tretë, më thanë se foshnja nuk kishte më rrahje zemre”.
Ajo gjithashtu konfirmoi se do të vazhdonte të performonte live pavarësisht fatkeqësisë që i ndodhi. “Këtë mëngjes ndihem sikur nuk kam kontroll mbi emocionet e mia. Mund të pendohem që e postova këtë. Mund të mos pendohem, në fakt nuk e di. Ajo që di është se dua të këndoj sonte. Jo sepse po shmang pikëllimin ose procesi, por sepse e di që të kënduarit sonte do të më ndihmojë.”
Ajo shtoi: “Të mbetesha shtatzënë ishte një mrekulli në vetvete dhe një përvojë që nuk do ta harroj kurrë dhe e di që do ta kem përsëri. Jam ende në shok, trishtimi është i madh. Por e di që jam e fortë dhe e di që do të jem mirë. Unë gjithashtu e di se miliona gra në mbarë botën e kanë ndjerë këtë dhimbje dhe shumë më keq. Ndihem e lidhur me ata që njoh që kanë kaluar këtë dhimbje dhe ata që nuk i njoh. Është ndjenja më e vetmuar në botë .
Këngëtarja, e cila ka bashkëpunuar me Nicki Minaj dhe Ariana Grande, ka treguar edhe se çfarë do të thotë të këndosh për të: “Kam bërë dy shfaqje në dy vite dhe shpirti im ka nevojë. Edhe më shumë sot. E di që disa njerëz do të mendojnë se thjesht duhet ta anuloj këtë koncert. Por për momentin një gjë është e qartë për mua. Kam filluar të këndoj që e vogël nga gëzimi, për të mbushur shpirtin tim dhe terapinë e dashurisë ndaj vetvetes, e cila nuk ka ndryshuar kurrë dhe duhet ta bëj sipas mënyrës time.”
Jessie J do të performonte më 24 nëntor në “The Hotel Café” në Los Angeles.
