Grupi fitues i Eurovision 2021- Måneskin do të shfaqen si të ftuar muzikor në episodin e ardhshëm të Saturday Night Live, të drejtuar nga aktori dhe ish-anëtar i kastit të SNL, Will Forte.
SNL bëri njoftimin e formacionit për episodin e tyre të ardhshëm të 22 janarit këtë fundjavë. Grupi Måneskin i përbërë nga: Damiano David, Victoria De Angelis, Thomas Raggi dhe Ethan Torchio, fituan Eurovision Song Contest në 2021 me këngën “Zitti e buoni”.
Pas fitores së tyre në Eurovizion u bënë edhe më të njohur me publikimin e këngës BEggin e cila u bë tepër virale në rrjetin social TikTOk. “Beggin'” arriti kulmin në vendin e 13 në Billboard Hot 100 dhe në numrin 3 në tabelën Global 200.
Përveç performancës së tyre të parë SNL, 2022 do të përfshijë debutimin e Måneskin në Coachella. Festivali ikonë i Kalifornisë zhvillohet këtë vit 15-17 prill dhe 22-24 prill.
