Liverpool dhe Glasgow janë dy qytetet që mbeten në garë për të pritur konkursin e këngës Eurovision në vitin 2023. Të dy qytetet u zgjodhën pasi Birmingham, Leeds, Newcastle, Sheffield dhe Manchester u hoqën nga konkurrenca për të zhvilluar festivalin e muzikës. BBC tha se një vendim përfundimtar do të merret “brenda javësh”.
Grupi ukrainas Kalush Orkestra triumfoi në konkursin e vitit 2022 në Torino, Itali, i cili do ta bënte Ukrainën mikpritëse të vitit 2023. Mirëpo, EBU vendosi që konkursi të mos mbahej në Ukrainë për shkak të situatës me Rusinë. Britania e Madhe, e cila doli e dyta me këngën Space Man të Sam Ryder, iu kërkua të priste Eurovizionin e 67-të. Në gusht, një listë nga 20 qytete të MB që kishin paraqitur një “shprehje interesi” u publikua nga BBC. Kërkesat për qytetet përfshinin “një vend të përshtatshëm dhe hapësirë të mjaftueshme për të përmbushur kërkesat e konkursit të këngës, “angazhimin e nevojshëm për konkursin duke përfshirë një kontribut financiar. Gjithashtu dhe “përputhje me prioritetet strategjike të BBC-së si një transmetues i shërbimit publik”. Sigurisht nuk mungou një reagim nga kryebashkiaku Joanne Anderson i cili shtoi në twitter:
“Absolutisht i kënaqur #Liverpool ka hyrë në listën e ngushtë të Eurovizion 2023. Askund nuk organizohet një festë si ne. Njerëzit, komunitetet dhe bizneset e qytetit tonë janë gati të bëjnë një shfaqje për Ukrainën, MB dhe për Evropën. Eurovizion në Liverpool.”
