Reperi i njohur Eminem mbylli vitin 2021 me një sukses të vërtetë në platformën Spotify. Reperi është artisti i parë që me albumet e tij ka arritur të shënojnë histori në këtë platformë. Albumi i Eminem i vitit 1999, “The Slim Shady LP”, ka grumbulluar mbi një miliardë klikime në Spotify. Gjithashtu ky nuk është i vetmi album isuksesshëm i tij, pasi ndër shumë të tjerë është albumi debutues i vitit 1996 ‘Infinite’ i cili nuk është i disponueshëm në Spotify por ka rezultuar mjaft i suksesshëm dhe i dëgjuar nga miliona fansa në mbarë botën. 

Përtej muzikës viti 2021 për Eminem ka qenë i rëndesishëm edhe për bizneset e tij ku ai pak muaj me parë inaguaroi një prej restoranteve më të reja në Detroit. Reperi dhe aktori fitues i çmimeve “Oscar” dhe “Grammy”, iu fut për herë të parë biznesit të restoranteve në vitin 2017.