Reperi Eminem ka ndarë së fundmi një lajm mjaft të rëndësishëm për fansat e tij. Krijuesi i hitit “The Real Slim Shady” njoftoi se albumi i dytë, i titulluar “Curtain Call 2”, do të publikohet më 5 gusht.
Albumi ndjek rekordin e hitit të vitit 2005, “Curtain Call: The Hits” dhe do të përfshijë muzikë të krijuar nga puna më e fundit e Eminem, duke nisur që nga “Relapse” e 2009-ës e më tutje.
Ky lajm vjen pas publikimit të fundit të Eminem, të titulluar “From the D 2 the LBC” – një këngë hit të cilën e solli në bashkëpunim me reperin Snoop Dogg. Kjo këngë pasoi publikimin e ”The King and I”, për të cilën ai u bashkua me CeeLo Green. Projekti muzikor ishte pjesë e kolonës zanore për filmin biografik të Baz Luhrmann “Elvis”.
