Ed Sheeran ka konfirmuar se kënga e tij dedikuar festës së Krishtlindjeve në bashkëpunim me Elton John do të publikohet në fund të kësaj jave. Përmes një video në rrjetet sociale ai vendosi të bëj publike datën e lansimit në treg.

Kënga, e titulluar “Merry Christmas”, do të publikohet në fund të kësaj jave dhe sipas mesazheve të shkruara të Sheeran në videon e njoftimit, ai shkroi refrenin për këngën në të njëjtën ditë kur Elton John mori vesh për bashkëpunim. Kjo këngë do të publikohet më 3 dhjetor dhe gjithashtu është e frymëzuar nga skena ikonë e filmit “Love Actually”.

Të ardhurat e këngës nga periudha e Krishtlindjeve në Mbretërinë e Bashkuar do të shkojnë për fondacionin e ED Sheeran, të cilin ai e themeloi në vitin 2019 për të ofruar bursa për muzikantët e rinj në qytetin e tij të lindjes Suffolk, dhe organizatën e John’s, të cilën ai e themeloi në 1992 për tu ardhur në ndihmë të prekurve me HIV.