Pas katër vitesh mungesë në skenë Beyonce performoi në hotelin super luksoz “Altantis The Royal”, me rastin e hapjes së kazinosë “Atlantis Casino” në Dubai. Kompania e saj muzikore Parkwood Entertainment, publikoi një klip të shkurtër të fishekzjarreve që shpërthyen përpara se ajo të performonte “At Last” të Etta James. Sipas një njoftimi për shtyp pas performancës, Beyonce u shoqërua nga Firdaus, një orkestër prej 48 personash e mentoruar nga kompozitori dhe fitues i çmimit Oscar, A.R. Rahman. Fituesit e America’s Got Talent, The Mayyas, një grup kërcimi nga Libani, u bashkuan gjithashtu në skenë, me koreografi mahnitëse. Tre veshje të ndryshme, efekte fantastike dhe një duet mes Blue Ivy Carter dhe Bey. Në fund një mbyllje spektakolare me “Drunk in Love”, ishte kjo performanca magjike e Beyonce pas 4 vitesh larg skenës.
