Këngëtarja Demi Lovato ka bërë të ditur se turneu i saj i cili po zhvillohet aktualisht do të jetë i fundit. Demi, e cila është në turne për albumin e saj të tetë, në një postim në Instagramin e saj u shpreh duke thënë se : “Jam shumë e sëmurë sa nuk mund të ngrihem nga shtrati. Nuk mund ta bëj më këtë. Ky turne i radhës do të jetë i fundit. Unë ju dua dhe ju falënderoj”. 

Turneu aktual “Holy Fvck” do të vazhdojë, shtoi ajo, “Do t’ju jap fuqi për ju, do të më duhet ndihmë për të kënduar kështu që këndoni me zë të lartë për mua bb’s!”

Turneu i saj filloi rreth një muaj më parë në Des Moines.Pjesa e mbetur e turneut të saj do të jetë në SHBA. Lovato prej kohësh po lufton me problemet e shëndetit të saj të cilat e ndjekin që nga mbidoza e vitit 2018, eksperiencë kjo të cilën e ka ndarë vitin e kaluar në një dokumentar.