Çmimet BRITISH AWARDS kanë shpallur emrat e interpretuesve për ceremoninë që do të zhvillohet më 8 shkurt. Deri më tani mësohet se do të performojnë Dave, Doja Cat, Ed Sheeran, Holly Humberstone, Liam Gallagher and Little Simz.
Ndërkohë që në Mbretërinë e Bashkuar rritja e rasteve të infektuara me covid – 19 po vazhdon të rritet çdo ditë e më shumë, organizatorët e festivalit po punojnë fort që të sjellin një shfaqje sa më të përkryer për të gjithë shikuesit. Për të 9-in vit rradhazi shfaqja do të transmetohet edhe live në you tube për ata persona që nuk kanë mundësi që ta ndjekin nga afër.
Për të gjithë të pranishmit në sallë, përfhsirë këtu edhe artistët por edhe të pranishmit e tjerë do t’iu kërkohet mbajtja e detyrueshme e maskës, paraqitja e një testi negativ pcr si dhe mbajtja e distancës së sigurisë.
Duke sjellur performancën e saj të parë në Mbretërinë e Bashkuar dhe debutimin në BRITS, Doja Cat është e nominuar dy herë ke4të vit. Doja Cat është artistja femër me hitet më të shitura R&B dhe hip-hop të vitit 2021, pasi ka fituar vlerësime dhe nominime për çmime duke përfshirë edhe tre këngët më të mira në Top Ten.
Ed Sheeran do të performojë gjithashtu pas një viti tjetër rekordesh në top listat e Mbretërisë së Bashkuar dhe ndërkombëtare. Albumi i tij i pestë në studio, = , u publikua vitin e kaluar së bashku me këngët kryesore të klasifikimit “Bad Habits”, “Shivers” dhe “Merry Christmas”, bashkëpunimin e Krishtlindjeve me Elton John. Performanca e katërt e Ed-it në BRIT do të pasohet nga një turne në stadium në Mbretërinë e Bashkuar dhe Irlandë në pranverë/verë, duke përfshirë pesë netë në stadiumin Wembley të Londrës.
Nominimet për BRIT Awards të këtij viti u publikuan para Krishtlindjeve ku përpos emrave të lartpërmendur, u bashkuan artistë të tjerë duke përfshirë Coldplay, Billie Eilish, Olivia Rodrigo, Central Cee dhe Little Mix, të cilët do të konkurojnë për çmimin e madh. BRIT Awards 2022 do të drejtohet nga Mo Gilligan, me Clara Amfo dhe Maya Jama të cilat fillimisht do të prezantojnë shfaqjen The BRIT Awards Red Carpet në ITV2.
