Christina Aguilera do të nderohet me Billboard Spirit of Hope për punën e saj  filantropike. Çmimin do ta marrë në skenën e Billboard Latin Music Awards. Billboard Spirit of Hope u krijua për nder të Selena Quintanilla. Ajo u ndahet personazheve të cilët i kanë kushtuar kohë qëllimeve qytetare, komunitare dhe humanitare përtej muzikës. Marrësit e mëparshëm të çmimit përfshijnë Carlos Santana, Carlos Vives, Daddy Yankee, El General, Emmanuel, Gloria Estefan, Juanes, Juan Luis Guerra, Los Tigres del Norte, Luis Fonsi, Maná, Marc Anthony, Olga Tañón, Ricardo Montaner, Ricky Martin, Shakira, Soraya dhe Willy Chirino. Christina Aguilera ka një karrierë që përfshin dekada që nga vitet ’90. Ajo ka shitur më shumë se 75 milionë disqe në mbarë botën dhe ka pasur pesë këngë numër 1 në listën e Billboard Hot 100.Ajo  ka marrë vlerësime të shumta, duke përfshirë një yll në Hollywood Walk of Fame. Gjithashtu ajo mori çmimin iMusic Icon në People’s Choice Awards në 2021. Christina Aguilera ishte gjithashtu e vetmja artiste nën 30 vjeç që u përfshi në Rolling Stone 100 këngëtarët më të mëdhenj të të gjitha kohërave. Përveç muzikës, Aguilera ka udhëtuar nëpër botë për të ndihmuar zonat e prekura nga varfëria. Ajo ka ndihmuar në mbledhjen e më shumë se 150 milionë dollarëve për Programin Botëror të Ushqimit.