Gjatë muajit dhjetor Chris Martin njoftoi se  grupi Coldplay do të ndalojë së bëri muzikë pas vitit 2025, duke sinjalizuar me sa duket tërheqjen e grupit britanik. Tani, kryesuesi i grupit ka konfirmuar se nga tani deri në vitin 2025, grupi do të publikojë edhe tre albume të tjera, ku njëri do të jetë muzikal.

Në një intervistë të fundit Martin pohoi se grupi do të ndalojë regjistrimin e muzikës së re pas albumit të tyre të 12-të. Grupi kishte publikuar vetëm albumin e tyre të nëntë në studio Music Of The Spheres në tetor vitit 2021. Ndërkohe Martin tha për mediat se :

“Ne do të bëjmë 12 albume. Më pëlqen dhe është e mahnitshme, por është gjithashtu shumë intensive. Ndihem sikur e di se sfida është e fundme, ta bësh këtë muzikë nuk është e vështirë, pra: “Kjo është ajo që ne duhet të bëjmë”.

Martin gjithashtu foli kohët e fundit me Ellen Degeneres në lidhje me vendimin e grupit për të bërë tre albume të tjera të Coldplay duke thënë se “nuk na duket mirë”. Ai  shpjegoi se do të vazhdojnë turneun dhe do të jenë gjithmonë bashkë si një grup muzikantësh dhe miqsh. “Por mendoj se historia e albumeve tona përfundon atëherë.” Chris Martin më vonë konfirmoi për drejtuesin e emisionit të bisedave se ata në fakt janë të interesuar të bëjnë një “film muzikal”.