Zayn Malik dhe Yolanda Hadid, nëna e Gigi Hadid, janë përfshirë në një mosmarrëveshje për një debat të pretenduar, ndërkohë që burime të brendshme pranë tyre tregojnë për një marrëdhënie toksike mes Zayn dhe Gigi-t. Të enjten, Zayn postoi një deklaratë në Twitter në lidhje me incidentin e supozuar mes tij dhe Yolanda-s, duke thënë se ai është zakonisht një person privat, por zgjodhi të flasë për shkak se situata ishte përhapur në shtyp.

Megjithëse nuk specifikoi asgjë, një histori e publikuar nga TMZ pretendonte se ai ka “sulmuar” Yolanda-n. Mediat e huaja kanë siguruar dokumentet gjyqësore që konfirmojnë se Malik u akuzua për katër akuza për sulm pas një incidenti më 29 shtator në të cilin ai dyshohet se ka sulmuar Yolanda Hadid duke i shkaktuar ankth mendor dhe dhimbje fizike.

Zayn i ka mohuar të gjitha këto akuza.

Një mik i ish-anëtarit të One Direction tha për mediat se Malik ka këmbëngulur se ai kurrë nuk e goditi Yolanda-n dhe grindja filloi kur “ajo erdhi e paftuar në shtëpi teksa Gigi ishte larg për punë dhe ai po kujdesej për Khai-n. Kjo çoi më pas në një debat. Yolanda dëshiron më të mirën për vajzën dhe mbesën e saj dhe ka pasur disa probleme me Zayn. Ajo mendon se ai mund ta trajtojë Gigi-n më mirë. Kjo po krijon konflikte mes Yolanda-s dhe Zayn.”

Mes mosmarrëveshjes, një burim pranë Zayn thotë se ai po fokusohet te Khai. “Zayn është një baba i mrekullueshëm dhe Gigi e ka thënë këtë. Ata nuk po zihen, ata po punojnë në mënyrë aktive dhe miqësore për të gjetur mënyrën më të mirë për të bashkëprindëruar tani.”

Këto kanë qenë deklaratat mbi këtë situatë të shumëperfolur. Nuk dihen ende të tjera informacione më tej.