Akademia e Regjistrimit njoftoi të martën se ndarja e çmimeve Grammy për të 64-in vit do të zhvillohet më 3 prill dhe do të mbahet në MGM Grand Garden Arena në Las Vegas. Më parë u njoftua se shfaqja, e cila do të drejtohet nga Trevor Noah për të dytin vit radhazi, do të shtyhet nga 31 janari për shkak të shqetësimeve në lidhje me rritjen e rasteve të infektuara me COVID-19. Shfaqja ishte caktuar më parë të mbahej në Los Angeles në Crypto.com Arena. Ndërkohë ky është viti i dytë radhazi që spektakli i çmimeve shtyhet si pasojë e pandemisë COVID-19. Vitin e kaluar, shfaqja u shty për në mars, dhe menjëherë pas njoftimit, Harvey Mason Jr., CEO i Akademisë së Regjistrimit i tha Entertainment Tonight se vendimi ishte marrë “bazuar në rënien e rrethanave shëndetësore rreth Los Anxhelosit dhe vendit” mes pandemisë së vazhdueshme.
“Shëndeti dhe siguria e atyre në komunitetin tonë muzikor, audiencës live dhe qindra njerëzve që punojnë pa u lodhur për të prodhuar shfaqjen tonë mbetet prioriteti ynë kryesor”, thuhet në deklaratë.
“Duke pasur parasysh pasigurinë rreth variantit Omicron, mbajtja e shfaqjes më 31 janar thjesht përmban shumë rreziqe. Ne mezi presim të festojmë natën më të madhe të muzikës në një datë të ardhshme, e cila do të shpallet së shpejti.”
Nuk m’u duk koha e duhur për të pasur shfaqjen më 31 janar,” tha ai. COVID-19 ka pasur një ndikim të madh në procesin tonë të planifikimit dhe mënyrën se si po krijojmë shfaqjen. Ndërsa kalojmë në datën tonë të 14 Marsit, do të na japë pak më shumë fleksibilitet për të parë se çfarë ndodh dhe për të pasur më shumë biseda me zyrtarët e shëndetësisë dhe për të vazhduar të evoluojmë shfaqjen.”
Ndërkohë rikujtojmë se John Batiste kryeson nominimet e këtij viti me 11 nominime, duke përfshirë albumin e vitit, rekordin e vitit dhe albumin më të mirë R&B. Justin Bieber, Doja Cat dhe H.E.R. kanë shënuar nga tetë nominime secili, ndërsa Billie Eilish dhe Olivia Rodrigo do të shkojnë në natën e Grammy-it me nga shtatë.
