Calvin Harris dhe këngëtarja me origjinë kosovare Dua Lipa rikthehen këtë fundjavë me një tjetër bashkëpunim muzikor pas 4 vitesh, që pas publikimit të “One Kiss” i cili rezultoi tejet i suksesshëm. Lajmin e kanë njoftuar vetë ata përmes rrjeteve sociale ku përmes videove të cilat tashmë janë bërë virale, të dy këngëtarët këndojnë disa vargje nga kënga e re. Bashkëpunimi i tyre do të quhet “Potion” dhe mund të jetë pjesë e albumit të ri të Calvin Harris, “Funk Wav Bounces Vol.2”.

Mediat e huaja kanë raportuar se në këtë bashkëpunim mund të jetë pjesë edhe ndonjë artist tjetër, emri i të cilit ende nuk është zbuluar.

Albumi i gjashtë i Calvin Harris, “Funk Wav Bounces Vol.2” pritet gjithashtu të lancohet shumë shpejt gjate sezonit veror pasi ai vete pak kohë më parë postoi një status në rrjete sociale ku duke lajmëruar për publikimin e albumit shkruante “verë 2022.”