Gjatë ceremonisë së ndarjes së çmimeve Grammy Awards 2022, këngëtari Bruno Mars si pjesë e grupit R&B “Silk Sonic”, i cili përbëhet nga Bruno dhe reperi Anderson Paak, fituan çmimin për “song of the year” për hitin e tyre që u publikua në vitin 2021 “Leave the Door Open”.
Teksa Bruno Mars u ngjit në skenë për të marrë çmimin ai doli përballë audiencës dhe ndezi një cigare. Ky veprim u komentua shumë në rrjet, ku nuk munguan as kritikat e shumta pasi siç dihet, tymosja e duhanit është e ndaluar në ambiente të mbyllura e për më tepër në skenë. Fansa të shumtë reaguan përmes rrjeteve sociale duke e kritikuar veprimin e tij, madje disa të tjera u shprehën duke thënë se ky veprim i artistit duhej të merrte vëmendje më të madhe se ai i aktorit Will Smith në ndarjen e çmimeve “Oscars”.
Ndërkohë kënga e tyre u bë fituesja e madhe e natës, duke mbledhur gjithsej katër çmime Grammy gjatë mbrëmjes.
