Këngëtarja Billie Eilish po kalon një moment të mrekullueshëm në karrierën e saj, duke arritur të bëhet një nga këngëtaret më të suksesshme në mbarë botën ndonëse në një moshë fare të re. Tashmë ajo do të drejtojë programin humoristik “Saturday Night Live” në rrjetin NBC.

Nëpërmjet një llogarie zyrtare në Instagram, këngëtarja i ka habitur të gjithë duke bërë të ditur se do të jetë prezantuesja e emisionit që ka më shumë se dyzet vite në transmetim përmes rrjetit ndërkombëtar. Sikur të mos mjaftonte kjo, ky nuk do të jetë roli i saj i vetëm në program.

 “Ahhhh!! Unë do të prezantoj dhe performoj në SNL (Saturday Night Live) !! Është çmenduri dhe dua të bërtas !! Shihemi më 11 dhjetor, SNL! ”, ka shkruar artistja 19-vjeçare në llogarinë e saj në Instagram. Duhet theksuar se këngëtarja debutoi në spektakël dy vite më parë, kur prezantoi “Bad Guy”.

 Krahas rolit të prezantueses, këngëtarja do të jetë në krye të një pjese muzikore në të cilën do të prezantojë albumin e saj më të fundit “Happier Than Ever”. Gjithashtu, ajo do të interpretojë edhe në skecet humoristike të shfaqjes.