Avioni i Miley Cyrus u godit nga një “stuhi e madhe e papritur” gjatë rrugës për në Paraguaj dhe u detyrua të bënte një ulje emergjente.
Miley Cyrus ishte rrugës për në Paraguaj për të kryesuar festivalin muzikor Asuncionico 2022 që kishte planifikuar, ndërkohë që problemet në avion u shfaqën e u detyrua të bënte ulje emergjente. Pas uljes, Miley hyri në Instagram-in e saj për të shpjeguar se çfarë ndodhi me anë të një postimi ku shkruajti: “Për fansat e mi dhe të gjithë të shqetësuarit pasi dëgjuan për fluturimin tim për në Asunción. Avioni ynë u godit nga një stuhi të madhe e papritur dhe u godit nga rrufeja. Ekuipazhi im, grupi, miqtë dhe familja ime, që të gjithë që udhëtonin me mua janë të sigurt tashmë pas një ulje emergjente. Fatkeqësisht nuk mundëm të fluturonim në Paraguaj. Ju dua” Në këtë mënyrë ajo përfundoi shkrimin e saj, ku së bashku me mesazhin e saj, këngëtarja postoi dhe videon e stuhisë si dhe një foto të dëmeve nga goditja e rrufesë.
