Reperi Rakim Mayers i njohur nga publiku si A$AP Rocky po kthehej nga pushimet në Barbados me të dashurën e tij, këngëtaren Rihanna. Mediat raportuan se pas mbërritjes, ai u ndalua në LAX  ku u arrestua për disa të shtëna me armë në nëntor të vitit 2021.

Hetimet mbi këtë çështje kanë nisur nga departamenti i policisë që në 6 nëntor, ku sipas njoftimeve të policisë, viktima e të shtënave pretendon se reperi i është afruar së bashku me dy persona të tjerë. Më tej, ai pretendon se Mayers kishte një pistoletë dhe e qëlloi atë tre deri në katër herë. 

Rihanna dhe reperi u larguan për në Barbados pas thashethemeve që u përhapën në media për një tradhti nga ana e Rocky. Artisti u akuzua se kishte tradhtuar Rihannan me stilisten e njohur të këpucëve, Amina Mauddi, e cila i hodhi poshtë të gjitha akuzat duke deklaruar se është thjeshtë një gënjeshtër.