Albumi i ri i Arctic Monkeys pritet të lancohet në vitin 2022 sipas bateristit të grupit, Matt Helders. Helders foli për vazhdimin e shumëpritur të “Tranquility Base Hotel & Casino 2018” gjatë një interviste të fundit. I pyetur nëse albumi i ri ishte “gati për të dalë”, Helders konfirmoi duke thënë se: “Po, pak a shumë, po. Ishte pak e shkëputur se si duhej ta bënim atë, dhe ka disa pjesë për të përfunduar, por po, gjithçka është në punë.”
Helders tha se grupi synon të publikojë albumin e pa titulluar ende, në vitin e ardhshëm. “Shpresojmë se mund të dalim dhe të bëjmë turne verën e ardhshme,” shtoi ai.
Duke folur për drejtimin zanor të albumit, Helders tha: “Ne priremi ta lëvizim atë gjithmonë pak. Për ne, për shkak se jemi kaq të përfshirë në të, ka gjithmonë kuptim. Në një farë mënyre, ata gjithmonë vazhdojnë aty ku tjetri e ka lënë. Ka kuptim kur e mendon në kontekstin e rekordit të fundit. Por ne gjithmonë përpiqemi të bëjmë diçka pak më ndryshe, është disi e vështirë të përshkruhet. Mund të thuash që është i njëjti grup.”
Në fillim të këtij viti, Helders u bashkua me sensacionin 11-vjeçar të muzikës Nandi Bushwell për të performuar disa këngë të Arctic Monkeys. Së fundmi, grupi publikoi një album live për të mbështetur War Child UK.
