Disa javë më parë, ylli i “Keeping Up With The Kardashian”, Kim Kardashian ishte pjesë e një performance krah aktorit Pete Davidson në rolin e Jasminës dhe Aladinit në “Saturday Night Live”. Gjatë premierës ata shkëmbyen një puthje e cila shkaktoi disa dyshime në publik.
Por nuk mbaron vetem me kaq. Disa foto dhe video të Kim Kardashian dhe komedianit Pete Davidson, të cilët u filmuan duke u kapur për dore, bënë që njerëzit të komentonin një romancë të mundshme mes tyre, por burime të brendshme thonë se ata janë “thjesht miq”. Dyshja u fotografua në një park në Kalifornia. Motra e Kim, Kourtney Kardashian dhe i fejuari i saj Travis Barker u panë gjithashtu së bashku me ta. Është mësuar nga mediat se Pete Davidson njihet me familjen e tyre përmes mikut të përbashkët Machine Gun Kelly, i cili është shok me Barker.
Kim dhe Pete janë parë sërish bashkë, duke darkuar me miqtë e tyre në New York. Burime pranë tyre bëjnë me dije se erdhën të ndarë nga njëri-tjetri, me një distancë kohore prej 10 minutash. Të gjithë mendojnë se mund të ketë më shumë se thjesht shoqëri mes të dyve, aq më tepër pas deklaratës së drejtëpërdrejtë të Kim, ku thuhet ne media se Kardashian është e intriguar nga Pete dhe i pëlqen ai.
Pa harruar të përmendim se Kim Kardashian edhe pse po ruan një raport miqësor me ish partnerin e saj Kanye, ende po vijon me procedurat e divorcit. Nga ana tjetër edhe komediani Pete mendohet se është ndarë së fundmi nga lidhja e tij me aktoren, Phoebe Dynevor pasi kishin konfirmuar marrëdhënien e tyre në korrik të këtij viti.
